गल्छीमा फाल्गुण १२ गते जिल्ला स्तरीय बुद्धिचाल प्रतियोगिता हुने

धादिङ । धादिङ जिल्लाको गल्छी गाउँपालिका स्थित नमुना बागेश्वरी क्याम्पसले प्रथम जिल्ला स्तरीय चेस प्रतियोगिता भोली फागुन १२ गते गर्ने भएको छ ।

अन्तर्राष्ट्रिय फिडे नियम अनुसार खेलाईने यस प्रतियोगिताका कोर्डिनेटर सन्दिप प्रसाद घिमिरेका अनुसार यस प्रतियोगितामा राष्ट्रिय प्रतियोगिता खेलिसकेका रेटेड खेलाडी बाहेक जो कोही खेलाडीले पनि खेल्न पाउने छन् जिल्ला कै हुनुपर्छ भन्ने छैन ।

उनका अनुसार यस प्रतियोगितामा प्रथमले ७ हजार, दोस्रोले ५ हजार, तृतियले ३ हजार, चौंथोले २ हजार र पाँचौंले १ हजार, बेष्ट विद्यार्थीले १ हजार, बेष्ट महिलाले १ हजार, बेष्ट यू १६ ले १ हजार, बेष्ट एस ५५ ले १ हजार, नमुना बागेश्वरीका एक जना बेष्ट खेलाडीले १ हजार पुरस्कार पाउने छन् ।