गल्छीको वडा स्तरीय भलिबल उपाधि ६ नं वडालाई

गल्छी खबर। ११४ औं नारी दिवसको अवसरमा गल्छी गाउँपालिका शिक्षा शाखाको आयोजनामा आज सम्पन्न‌ वडा स्तरीय महिला भलिबल प्रतियोगिताको उपाधि वडा नं ६ ले उचालेको छ।

सेमिफाइनल खेलमा वडा नं २ लाई हराएर फाईनल प्रवेश गरेको वडा नं ३ र वडा नं २ लाई हराएर फाइनल पुगेको वडा नं ६ बिचको रोचक फाईनल खेलमा वडा नं ६ ले वडा नं ३ लाई सोझो सेटमा हराएको छ। वडा नं ६ ले पहिलो सेट २५-१२ को अन्तर, दोस्रो सेट पनि २५ -१२ को अन्तर र अन्तिम सेट २५- १७ को अन्तरले जितेको छ।

पहिलो पटक आयोजना गरेको महिला भलिबल प्रतियोगितामा प्रथम हुनेले नगद रु १६००० पुरस्कार प्राप्त गरेका छन् भने दोस्रो हुनेले नगद रु १२००० प्राप्त गरेका छन्। खेलकुद विकासमा जोड दिदै आएका शिक्षा, युवा तथा खेलकुद शाखा प्रमुख पेमा दोर्जे थोकरका अनुसार आगामी दिन मै गायन तथा नृत्य प्रतियोगिता हुनेछ।