बाराका कृष्णकुमार खाँले उचाले चेस उपाधि

काठमाडौं, जेठ ५ गते । युनाइट नेपाल थ्रु चेस प्रतियोगिता - २०८१ को उपाधि बाराका कृष्णकुमार खाँले उचालेका छन् । उनले उपाधिसँगै ट्रफि र नगद २० हजार जिते । शनिबार सम्पन्न नौ चरणको खेलमा समान ८ अंक बनाएका मोरंगका लोकसागर साम्बा पाँचथरका रिसोन थापा टाइब्रेकरका आधारमा क्रमशः दोश्रो र तेश्रो भए । उनीहरुले क्रमशः नगद १५ हजार र १० हजार हात पारे ।

अन्नपूर्ण माध्यमिक विद्यालयमा संचालित दुइ दिने प्रतियोगिताको महिलातर्फ काठमाडौंकी एन्जेल महर्जन प्रथम र सिन्दिरा जोशी दोश्रो भइन ।

प्रतियोगिताका विजेता खेलाडीहरुलाई कार्यक्रम संयोजक डा. मोहनसिंह प्रधान, नेपाल चेसका अग्रज सीताराम अग्रवाल, फिडे ट्रेनर केशव श्रेष्ठ लगायतले ट्रफि, प्रमाण पत्र र नगद पुरस्कार प्रदान गर्नुभयो । प्रतियोगितामा उत्कृष्ठ २६ जना खेलाडीहरुको लागि कुल १ लाख १५ हजार नगद पुरस्कार वितरण गरिएको थियो ।

नेपालका ७७ वटै जिल्लाका खेलाडीहरुको सहभागिता गराउने ध्येयका साथ आयोजना गरिएको प्रतियोगितामा ५० जिल्लाका १८५ जना खेलाडीहरु सहभागी सहभागी थियो ।