कोशी र लुम्बिनीमा यु १५ विद्यालय स्तरीय खेलकुदको लागि खेलाडी छनौट सम्पन्न

इलाममा कोशी प्रदेशस्तरीय जुनियर (यु–१५) बुद्धिचाल प्रतियोगिता सम्पन्न भएको छ । 

इलामको होटल हाइटमा सम्पन्न प्रतियोगिताबाट झापा र मोरङका तीन–तीन, ताप्लेजुङबाट दुई जना गरी चार छात्र-चार छात्रा छनोट भएका छन् । छात्रतर्फ पहिलो, दोस्रो, तेस्रो र सान्त्वनामा क्रमशः अर्पण भट्टराई (ताप्लेजुङ), भानु गौतम (मोरङ), विकास घोर्साइने (तेस्रो) र श्रीयन्स चम्लागाईं भए । छात्रातर्फ प्रविसा दवाडी (झापा), प्रतिमा बाँस्कोटा (झापा), खुसी श्रेष्ठ (ताप्लेजुङ) र समिरा राई (मोरङ) छनौट भएका छन्।

  लुम्बिनी प्रदेशको आयोजनामा भएकाे १५ वर्ष मुनिका लुम्बिनी स्तरीय राष्ट्रिय प्रतियोगिता छनोटमा दाङका किर्तन भण्डारी प्रथम भएका छन्।

आगामी जेठ ३०, ३१ र ३२ गते पोखरामा हुन थालेको राष्ट्रिय प्रतियोगिताका लागि संघले आयोजना गरेको लुम्बिनी स्तरीय छनोट प्रतियोगितामा उनी प्रथम भएका हुन् ।

प्रतियोगितामा रुपन्देहीका सुशान्त अर्याल दोस्रो र बाँकेका आरुस नाग तृतीय भएका छन् । प्रतियोगितामा रूपन्देहीका टोपराज अधिकारी चौथो हुन सफल भएका छन्।

महिलातर्फ ईशा गिरी प्रथम, अन्जना थापा मगर दोस्रो, खुसी बाठा मगर तृतीय र भावना रोका मगर तृतीय भइ छनौट हुन सफल भए।