यु १५ राष्ट्रिय प्रतियोगिताको लागि खेलाडी छनौट

 जेठ २५ काठमाडौ । खेलकुद परिषदको आयोजनामा  र बागमती प्रदेश बुद्धिचाल  संघको व्यवस्थापन भक्तपुरको सुर्य विनायक रिसोर्टमा गण्डकी प्रदेशमा हुुने विद्यालय स्तरिय खेलकुद अन्तर्गत  बागमती प्रदेश बुद्धिचाल  छनौट सम्पन्न भएको छ।

पोखरामा यही जेठ २९ देखि ३२ सम्म हुने यु १५ विद्यालय स्तरिय राष्ट्रिय बुद्धिचाल प्रतियोगिताको लागि छात्र र छात्रा तर्फ ४/४ जना खेलाडीहरु छनौट भएका छन्।

छनौट भएका खेलाडीहरुमा छात्रतर्फ  ललितपुरका अभिषेक शाह, सिन्धुपाल्चोकका सजल न्यौपाने, भक्तपुरका संयोग लामा र दोलखाका सुपर्णमान श्रेष्ठ छनौट भए भने छात्रातर्फ काठमाडौका रिया श्रेष्ठ , एन्जेल महर्जन , भक्तपुरका श्रेया दुवाल र ललितपुरकि प्रकृति राई छत्नौट हुन सफल भइन् ।

त्यसैगरी मधेश प्रदेशमा सम्पन्न छनौट प्रतियोगितामा छात्रमा प्रिन्सकुमार शाह सिराहा , हेमान्शु  सिंह सप्तरी , शिभम् पुर्वी सिराह र  नवीन मण्डल छनौट हुन

 सफल भएका छन् भने छात्रातर्फ सम्पदा मगर सप्तरी , काजल साह सिरहा, आशिका चौधरी सिरहा र चन्द्रमाया मगर सप्तरी छनौट भइन् ।

बागमती प्रदेशमा छनौट भएका खेलाडीहरुलाई नेपाल बुद्धिचाल महासंघका कोषाध्यक्ष तारा बहादुर रानाभाट , बागमती प्रदेश संघका सचिव रजुला जोशीले प्रमाणपत्र प्रदान गरे भने मधेस प्रदेशबाट छनौट भएकाहरुलाई नेपाल बुद्धिचाल महासंघका केन्द्रीय सदस्य राजु ताम्राकारले पुरस्कृत गरे।