मलेखुमा पहिरो-बाटो अबरुद्ध, सडक आज नखुल्ने सम्भावना

धादिङको गजुरी गाउँपालिका-२ मलेखुमा सुख्खा पहिरो जादा पृथ्वी राजमार्ग अवरुद्द बनेको छ । सडक भन्दा माथिबाट आएको पहिरोका कारण राजमार्ग अवरुद्द बनेको हो ।

अहिले पहिरो पन्छाउनका लागि प्रमुख जिल्ला अधिकारी सुमन घिमिरेसहितको सुरक्षाकर्मी टोली घटना स्थल जाँदै गरेको जिल्ला प्रहरी कार्यालय धादिङका प्रहरी निरीक्षक एवम् सुचना अधिकारी प्रल्हाद सिलवालले बताए ।

ठूलो पहिरो झरेको कारण अहिले तत्काल पन्छाउन सक्ने अवस्था अलि कम छ । रातको समय पनि भएकोले कठिन भएको छ। सिल्वालले भने - 'साँझ झरेको पहिरो पन्छाउन जेसिवीको व्यवस्थापन हुँदै छ । हाम्रो टोली पहिरो झरेको ठाउँ जादैछौं । पहिरो झरेको आसपास लामो जाम भइसकेको छ । सकभर चाँडै पहिरो पन्छाएर पहिरोले अवरुद्द बनेको राजमार्ग छिट्टै सुचारु गर्नेछौं ।' बाटो अवरुद्ध रहुन्जेलसम्म आफ्ना सवारी सुरक्षित स्थानमा पार्किङ गर्न समेत अनुरोध गरेका छन्