पर्सा, मधेस प्रदेश – आज मुनलाइट एकेडेमी र हिजाजी (GLC) बीच एक महत्त्वपूर्ण सम्झौता सम्पन्न भएको छ। यस सम्झौतामा मुनलाइट एकेडेमीका म्यानेजिङ डाइरेक्टर सुलभ केसी र हिजाजीको अध्यक्ष मङ्गला कंसाकार बीच सहमति भएको हो। यस सम्झौताले मुनलाइट एकेडेमीका ७०० विद्यार्थीलाई गणित र कम्प्युटर सम्बन्धी विश्वस्तरीय शिक्षा प्रदान गर्ने उद्देश्य लिएको छ।
मुनलाइट एकेडेमीले यस सम्झौतासँगै आफ्नो शिक्षण पद्धतिमा नयाँ परिवर्तन ल्याउँदै, विद्यार्थीलाई विश्व मार्केटमा उपलब्धिमूलक तरिकाले चिनाउने योजना अघि बढाएको छ। अब मुनलाइटका विद्यार्थीहरूले गणित र कम्प्युटरका विभिन्न नयाँ विधिहरूको अध्ययन गरेर, आफ्नो क्षमतालाई विश्वसामु पुर्याउने अवसर पाउनेछन्।
मुनलाइट एकेडेमीका म्यानेजिङ डाइरेक्टर सुलभ केसीले भने, “मुनलाइट एकेडेमीले सधैं नयाँ र उत्तम शिक्षण विधिहरू अपनाउने प्रयास गरेको छ। हामीले हिजाजीसँगको सम्झौताले हाम्रो विद्यार्थीलाई गणित र कम्प्युटर सम्बन्धी विषयमा उच्च स्तरको शिक्षा र अन्तर्राष्ट्रिय स्तरमा परिचय दिलाउने मार्ग खोल्ने छ। यससँगै, हामी आफ्नो शैक्षिक गुणस्तरलाई अझ माथि पुर्याउने योजनामा छौं।”
