चाइनिज चेस फेडेरेशन र काजाकिस्तान चेस फेडेरेशनको निमन्त्रणामा बुद्धिचाल खेलाडीहरु आइतबार चीनको सांघाई र काजाकिस्तानको अल्माटीतर्फ प्रस्थान गरेका छन्।
नेपाल बुद्धिचाल महािंघका कोषाध्यक्षको नेतृत्वमा रापिडतर्फ उच्च वरियताका खेलाडी नेपाल च्याम्पियन फिडे मास्टर रुपेश जैशवाल, दोलखाका आशिष फुयाल र महिलातर्फ पहिलो रान्किडमा रहेका छापाका कृतिसारा अधिकारी
चीनमा अप्रिल ७ देखि १२ तारिखसम्म हुने आठौं सांघाइ को–ओपरेसन अर्गनाइजेसन इन्टरनेसनल टिम चेस प्रतियोगितामा प्रतिस्पर्धा गर्नेछन् ।
त्यसैगरि दोस्रो राष्ट्रिय विद्यालय प्रतियोगिताको बिजेता मार्भलस उच्च माविका छात्र छात्राहरु
अप्रिल ६ देखि ११ तारिखसम्म काजाकिस्तानको अल्माटीमा हुने एसियाली कन्टिनेन्टल स्टेज अफ द फिडे आईएससीएफ वल्र्ड स्कुल टिम प्रतियोगितामा ५ खेलाडीहरुको सहभागीता रहने छन्। खेलाडीमा निहाना श्रेष्ठ, सुहानी सिंह, कृष्टि रिजाल, वृजनन्ददास टमटा र आकर्षण कुँवर रहेका छन् ।
व्यवस्थापकमा नेपाल बुद्धिचाल महासंघका रेटिङ अफिसर निराजन प्रजापति र प्रशिक्षकमा रिजेन्द्र राजभण्डारी छन् । दुवै टोली आइतबार नेपाल बुद्धिचाल महासंघका अध्यक्ष हेराकाजी महर्जन र प्रवक्ता राजु ताम्राकारले त्रिभुवन अन्तर्राष्ट्रिय विमान स्थलमा विदाइ गरे । साथै प्रतियोगितामा खेलाडीहरुलाई सफलताको शुभकामना व्यक्त गरेका थिए।
