वैशाख २५ । पाकिस्तानले इन्डियामाथि बदला स्वरूप एकैचोटि ड्रोन र क्षेप्यास्त्र प्रहार गरेको भारतीय सञ्चारमाध्यमहरूले दाबी गरेका छन्।
शुक्रबार राति करिब ९ बजे जम्मु, पंजाबलगायत विभिन्न राज्यका १४ शहरमा एकसाथ आक्रमण भएको रिपोर्टहरू सार्वजनिक भएका छन्। भारतीय टेलिभिजन च्यानलहरूले घटनास्थलहरूको प्रत्यक्ष प्रशारणसमेत गरिरहेका छन्।
घटनामा मानवीय क्षति र भौतिक क्षतिको विवरण सार्वजनिक भइनसकेको बताइएको छ। भारत सरकारले उच्च सतर्कता अपनाउँदै सुरक्षा निकायहरूलाई सक्रिय पारेको छ।
हालसालै बढ्दो तनाव र आन्तरिक असन्तुलनबीच भएको यो आक्रमणले दक्षिण एशियाली क्षेत्रको शान्तिमा गम्भीर चुनौती उत्पन्न गराएको विश्लेषणकर्ताहरू बताउँछन्।
यता, नागरिकस्तरबाट भने हिंसात्मक गतिविधिको विरोध जनाउँदै सामाजिक सञ्जालहरूमा “हिंसा होइन, शान्ति रोजौँ” भन्ने सन्देश फैलिइरहेको छ।
