गल्छी खबर । सुजन पराजुली इन्टरटेनमेन्टले सार्वजनिक गरेको नयाँ नेपाली गीत ‘खरबारीमा खर छैन’ श्रोतामाझ राम्रो चर्चा बटुलिरहेको छ। पछिल्ला दिनमा युट्युबमा सार्वजनिक गरिएको गीतले छोटो समयमा नै २,७८,६८८ भ्युज र ६९२ लाइक्स प्राप्त गर्दै लोकप्रियतामा जमेको छ।
गीतमा गायक सुजन पराजुली, चोलन्द्र पौडेल र समीक्षा अधिकारीको स्वर रहेको छ। गीतका शब्द तथा संगीत चोलन्द्र पौडेलकै हुन्।
अडियोतर्फ कृष्ण केसीले एरेन्ज, कमल थापा र गोविन्द अनेकले रेकर्डिङ तथा श्याम स्वेत रसाइलीले मिक्स–मास्टरीको जिम्मा सम्हालेका छन्। गीतको अडियो निर्माण प्रिज्मा स्टुडियोमा सम्पन्न भएको हो।
भिडियोमा कलाकार विजय पुन र आरुसी मगरको अभिनय समावेश गरिएको छ। भिडियोका लागि कबिन खड्काले मेकअप, सुनील भण्डारीले छायांकन, राजाराम सिम्खडाले कोरियोग्राफी र अमृत चापागाईंले सम्पादन तथा कलर गरेका छन्। भिडियोको निर्देशन प्रेम थापाले गरेका हुन्।
मोसमी प्रेमकथालाई केन्द्रमा राखेर तयार गरिएको गीतले दृश्य र संगीत दुवैमा सन्तुलित प्रस्तुती दिएको भन्दै दर्शकले प्रशंसा गरेका छन्।
सुजन पराजुली इन्टरटेनमेन्टमार्फत सार्वजनिक गीतले पछिल्लो समय नेपाली संगीत बजारमा थप बहस र आकर्षण सिर्जना गरेको छ।
