गल्छि खबर
Everest English Boarding School द्वारा आयोजित Everest Cultural Fest कक्षा ४ देखि १२ सम्म अध्ययनरत विद्यार्थीहरूको सक्रिय, सिर्जनात्मक र प्रतिस्पर्धात्मक सहभागितामा सम्पन्न भएको एक सांस्कृतिक कार्यक्रम हो। नेपाली संस्कार, संस्कृति र पहिचानलाई केन्द्रमा राख्दै प्रत्येक समूहले तोकिएको ८ मिनेटको समयभित्र आफ्ना प्रस्तुति राखेका थिए।
कार्यक्रम आयोजना हुनु भन्दा करिब २० दिनअघि नै अभिभावकको लिखित/मौखिक सहमति, शिक्षकहरूको समन्वय तथा विद्यार्थीहरूको स्वतन्त्र इच्छाअनुसार सहभागिता सुनिश्चित गरिएको विद्यालयले जनाएको छ। बालबालिकाको प्रतिभा उजागर गर्ने, आत्मविश्वास बढाउने र संस्कृतिप्रति गर्व गर्न सिकाउने उद्देश्यसहित आयोजना गरिएको यो कार्यक्रम उत्साहजनक वातावरणमा सम्पन्न भएको थियो।
तर कार्यक्रम सम्पन्न भइसकेपछि सामाजिक सञ्जालमा आएका केही नकारात्मक, आलोचनात्मक तथा असंवेदनशील टिप्पणीहरूले भने गम्भीर प्रश्न खडा गरेका छन्। सुधार र छलफल सधैँ आवश्यक हुन्छन्, तर त्यसका नाममा गरिने कटाक्ष, आरोप र नकारात्मक प्रचारले कार्यक्रमका मुख्य पात्र—साना कलाकार विद्यार्थीहरूको मनोविज्ञानमा गहिरो असर पार्न सक्छ।
“बालबालिका समाजका भविष्य हुन्। उनीहरूको सिर्जनशील प्रयासलाई प्रोत्साहन दिनुको सट्टा हतोत्साहित गर्ने खालका टिप्पणीले उनीहरूको आत्मबल कमजोर बनाउने खतरा रहन्छ। अभिव्यक्ति स्वतन्त्रता महत्वपूर्ण भए पनि त्यससँगै जिम्मेवारी, संवेदनशीलता र सकारात्मक सोच झनै आवश्यक हुन्छ।”
विद्यालय प्रशासन, शिक्षक, अभिभावक र समाज सबै मिलेर यस्ता सिर्जनात्मक प्रयासलाई सुधारसहित अघि बढाउने वातावरण बनाउनु आजको आवश्यकता हो। आलोचना गरौँ, तर मर्यादित ढङ्गले। प्रश्न उठाऔँ, तर तथ्यका आधारमा। सबैभन्दा महत्वपूर्ण कुरा—बालमनमा चोट नपुग्ने गरी सोच र शब्दको प्रयोग गरौँ।
नकारात्मकता होइन, तथ्य हेरौँ।
दोषारोपण होइन, समाधान खोजौँ।
र साना कलाकारका सपनालाई शब्दले होइन, सहानुभूतिले
-
लेख= मनोसमाजिक विमर्शकर्ता दिनेश बुढाथोकी ।
