काठमाडौं । माध्यमिक शिक्षा परीक्षा (एसईई) २०८२ को परीक्षा तालिका सार्वजनिक गरिएको छ। राष्ट्रिय परीक्षा बोर्डले सार्वजनिक गरेको तालिकाअनुसार परीक्षा चैत १९ गतेदेखि चैत २६ गतेसम्म सञ्चालन हुनेछ।
बोर्डका अनुसार परीक्षा बिहान ८ बजेदेखि ११ बजेसम्म सञ्चालन हुनेछ। तालिकाअनुसार चैत १९ गते अनिवार्य अंग्रेजी विषयको परीक्षा हुनेछ भने चैत २० गते अनिवार्य नेपाली विषयको परीक्षा लिइनेछ।
यसैगरी, चैत २२ गते अनिवार्य गणित, चैत २३ गते विज्ञान, चैत २४ गते सामाजिक अध्ययन विषयको परीक्षा तोकिएको छ। चैत २५ गते वैकल्पिक विषय प्रथम (Optional I) र चैत २६ गते वैकल्पिक विषय द्वितीय (Optional II) को परीक्षा हुने बोर्डले जनाएको छ।
राष्ट्रिय परीक्षा बोर्डले सम्पूर्ण विद्यार्थीलाई तोकिएको समयमै परीक्षा केन्द्रमा उपस्थित हुन र परीक्षा मर्यादित तथा शान्तिपूर्ण रूपमा सम्पन्न गर्न सहयोग गर्न आग्रह गरेको छ। बोर्डले परीक्षा सम्बन्धी थप जानकारी र अपडेटहरू आधिकारिक माध्यमबाट प्राप्त गर्न समेत अनुरोध गरेको छ।
#photo AI/Sandip Prasad Ghimiray
