काठमाडौं – राजावादी आन्दोलनका क्रममा जिउँदै जलाएर मारिएका पत्रकार सुरेश रजकलाई सहिद घोषणा गर्नुपर्ने, रजकका परिवारलाई उचित क्षतिपूर्ति दिनुपर्ने, र घटनाको निष्पक्ष छानबिन गर्न उच्चस्तरीय आयोग गठन गरिनुपर्ने माग गर्दै समाजवादी प्रेस संगठन नेपालले राजधानीमा मौन प्रदर्शन गरेको छ।
मौन प्रदर्शनका क्रममा संगठनले राज्यलाई चेतावनी दिँदै भनिएको छ, “हत्याको निष्पक्ष छानबिन समिति गठन गरेर दोषीलाई कारबाही र पीडितलाई न्यायको प्रत्याभूति राज्यले नदिलाएसम्म समाजवादी प्रेस संगठन नेपालले निरन्तर खबरदारी गरिरहने छ।”
संगठनले घटनालाई गम्भीर मानव अधिकार उल्लंघनको रूपमा चित्रण गर्दै पीडित परिवारलाई तत्काल न्याय दिन सरकारसँग आग्रह गरेको छ।
