धादिङ, बैशाख १२ – धादिङको नीलकण्ठ नगरपालिका–४ स्थित प्लटिङ क्षेत्र अगाडि रहेको नालीमा बिहीबार बिहान एक पुरुषको शव फेला परेको छ।
बिहान करिब ७:३० बजेको समयमा स्थानीयले शव देखेपछि जिल्ला प्रहरी कार्यालय धादिङलाई खबर गरेका थिए। सूचना पाएपछि प्रहरी निरीक्षक सुवास हमालको टोली घटनास्थलमा पुगेर प्रारम्भिक अनुसन्धान गरेको थियो।
प्रहरीका अनुसार मृतक रुबीभ्याली गाउँपालिका–४ बोराङ घर भएका अन्दाजी ४८–५० वर्षका सुक बहादुर तामाङको मृत्युको कारण खुल्न सकेको छैन्।
प्रारम्भिक अनुसन्धानपश्चात् शवको कानुनी प्रकृया (मुचुल्का) पूरा गरी पोष्टमार्टमका लागि धादिङ जिल्ला अस्पताल पठाइएको जिल्ला प्रहरी कार्यालयले जानकारी दिएको छ। घटनाबारे थप अनुसन्धान जारी रहेको प्रहरीले जनाएको छ।
