गल्छी, धादिङ – २०८२ वैशाख १३। धादिङ जिल्लाको गल्छी गाउँपालिका–७, गल्छी बजारमा विगत लामो समयदेखि वेवारिसे अवस्थामा बसोबास गर्दै आएका एक मानसिक सन्तुलन गुमाएका पुरुषको उद्धार गरिएको छ।
उक्त पुरुष आफनो नाम, ठेगाना वा परिवारजनको परिचय खुलाउन असमर्थ रहेका छन्। स्थानीय वासिन्दाहरू र सामाजिक संस्थाहरूको समन्वयमा उनीमाथि आवश्यक पहल सुरु गरिएको हो।
उद्धार गरिएको व्यक्तिको स्थायी ठेगाना र परिवारजनको पहिचान अहिलेसम्म नभएकोले Nepal Snehi Kakhha, धापाखेल-२३, ललितपुर पठाईएको छ। यदि कसैले उक्त व्यक्तिलाई चिनेका वा उहाँका परिवारसँग सम्पर्क स्थापित गरिदिन सक्ने अवस्था भएमा सम्बन्धित निकाय वा Nepal Snehi Kakhhaमा जानकारी गराउन अनुरोध गरिएको छ।
सामाजिक उत्तरदायित्वको भावना अनुरूप, उद्धारकर्ता तथा सरोकारवाला निकायहरूले उक्त व्यक्तिको शीघ्र पुनर्मिलन र उचित उपचारको व्यवस्था मिलाउने प्रयास गरेका छन्।
