गल्छी, धादिङ । गल्छी गाउँपालिकामा स्थानीय प्राविधिक तथा योजनाकारहरूको लागि ‘भवन डिजाइन र नक्शा निर्माण’ सम्बन्धी तालिम सम्पन्न भएको छ।
बिल्डिङ इनर्जी एफिसेन्सी इन नेपाल (BEEN) परियोजनाको सहकार्यमा आयोजित तीनदिने तालिममा गल्छी र गोसाईकुण्ड गाउँपालिका भित्रका प्राविधिक, परामर्शकर्ता, योजना शाखा प्रमुख तथा भवन निर्माणसँग सम्बन्धित कर्मचारीहरूको सहभागिता रहेको थियो।
तालिममा गल्छी गाउँपालिकाका ९ जना र गोसाइँकुण्ड गाँउपालिकाका ६ जना प्राविधिक र परामर्शकर्ताहरुले प्रशिक्षण लिएका थिए।
तालिमको उद्देश्य भवन डिजाइनको प्राविधिक पक्ष, वातावरणमैत्री तथा दिगो संरचना निर्माण, ऊर्जा संरक्षण, स्थानीय स्रोतको उपयोगजस्ता पक्षहरूबारे व्यवहारिक जानकारी दिनु रहेको थियो।
तालिमको समापन समारोहमा गल्छी गाउँपालिकाका अध्यक्ष तथा योजना प्रमुखहरू, प्रमुख प्रशासकीय अधिकृत, इन्जिनियरहरू लगायतको उपस्थिति रहेको थियो।
तालिम २०८२ साल वैशाख २१ गतेदेखि २३ गतेसम्म सम्पन्न भएको हो।
