विकास रौनियार, जेठ १४-धादिङ। आफ्ना ग्राहकहरुका लागि प्रदान गरिने सेवा चुस्त गराउनका लागि बैंकहरुले विभिन्न सुविधा उपलब्ध गराएका हुन्छन् । ती मध्ये एउटा सेवा हो एटीएम । चौविसै घण्टा पैसा निकाल्न मद्धत गर्ने उदेश्यले सञ्चालनमा ल्याएएका एटीएम आज भोली भने दिउँसोको समयमा मात्रै खोलिन थालिएको छ । बेलुका ८ देखि १० बजे नै बन्द हुने एटीएमका कारण सेवा प्रयोग गरे वापत निश्चित शूल्क समेत बुझाउने ग्राहक भने सास्ती खेप्न बाध्य छन् ।
अटोमेटिक टेलर मेसिन भनिने धादिङमा एटीएमहरु बिग्रिएर बन्द गरिएको भने होइनन् । अधिकांश एटीएम दिनको समयमा मात्रै सञ्चालन गरिने र रातको समयमा बैंकको शाखा संगै रातको समयमा बन्द हुँदै आएका छन् । धादिङको सदरमुकाम धादिङबेशी र पृथ्वीराजमार्ग संगै रहेका विभिन्न बैंककको एटीएममा यहाँको ग्राहक मात्रै नभएर यात्रा गरिररहेका व्यक्तिहरु पनि अपातकालीन अवस्थामा यी नै एटीएमको प्रयोग गरी पैसा निलाल्नु पर्ने हुन्छ । तर यहाँका एटीएम भने कुनै ८ बजे, कुनै ९ बजे त कुनै १० बजे नै बन्द भइसक्छन् ।
खातामा पैसा भएपनि बिरामी परेको अवस्थामा एटीएमको अभावमा नगद पैसा निकाल्न नपाउँदा समस्या हुने गरेको कतिपयको भनाइ छ ।
धादिङबेशीमा मात्रै नभएर गजुरी लगायत जिल्लाका अधिकान्श स्थलमा रहेका एटीएम पनि रातको समयमा बन्द गरिँदै आएको छ । ग्राहकसंग एटीएम को नाममा शूल्क निकाल्ने तर कुनै एटीएम सटर लगाएर राख्ने त कुनै बिग्रिएको अवस्थामा हुने गरेको ग्राहकको दुखेसो छ ।
बैंकहरुले आफूखुसी एटीएम बन्द गर्ने , मन लागे सञ्चालन गर्ने गरिरहेपनि नियामक निकाय नेपाल राष्ट्रबैंक अनविज्ञता प्रकट गर्छ । नियमित रुपमा सेवा उपलब्ध गराउनकै लागि एटीएम राखिने राष्ट्रबैंकको स्पष्टोक्ति छ । यस अघि नै सकुरल बैंकहरुलाई जारी गरिसकेको राष्ट्रबैंकको भनाइ छ । उजुरी दिएको अवस्थामा राष्ट्रबैंकले बैंकहरुलाई कारबाहीको दायरामा ल्याउने नेपाल राष्ट्र प्रवक्ता रामु पौडेलले बताए ।
एटीएमहरु सुरक्षाको कारणले बन्द गर्नु स्वभाविकै होला तर चौविसै घण्टा सुरक्षा हुने धादिङबेशी र गजुरी लगायत जिल्लाका अधिकान्श स्थलमा पनि एटीएम बन्द हुनु दुखद छ । ग्राहकहरुसंग सेवा शूल्क लिने तर सुविधा नदिने गर्नु एक हिसाबले ठगी नै हो ।
तस्बिर: विकास रौनियार
