धादिङ – गल्छी गाउँपालिका स्वास्थ्य शाखाको आयोजनामा सम्पन्न अन्तर माध्यमिक विद्यालय स्तरीय हाजिरी जवाफ प्रतियोगितामा बागेश्वरी माध्यमिक विद्यालयका छात्राहरूको टोलीले उत्कृष्ट प्रदर्शन गर्दै प्रथम र द्वितीय स्थान हात पार्न सफल भएका छन्। यसै प्रतियोगितामा जनकल्याण माध्यमिक विद्यालयकी छात्राहरूले समेत उल्लेखनीय उपस्थिति जनाउँदै तृतीय स्थान प्राप्त गरेका छन्।
विद्यालयको तर्फबाट विजयी सम्पूर्ण छात्रा टोलीहरूलाई हार्दिक बधाई तथा उज्वल भविष्यको शुभकामना व्यक्त गरिएको छ। प्रतियोगितामा देखिएको छात्राहरूको आत्मविश्वास, तयारी र सहभागिता सराहनीय रहेको बताइएको छ।
गल्छी गाउँपालिका भित्रका विभिन्न विद्यालयहरूबीच स्वस्थ प्रतिस्पर्धाको वातावरण सिर्जना गर्ने उद्देश्यले आयोजित यस प्रतियोगिता स्वास्थ्य शिक्षा र समग्र बौद्धिक विकासमा समेत महत्वपूर्ण कदमको रूपमा लिइएको छ।
