गल्छी, २०८२ जेठ २४ – करदाता सेवा कार्यालय, गल्छीको आयोजनामा शनिवारका दिन “करदाता शिक्षा तथा अन्तरक्रिया कार्यक्रम” सफलता साथ सम्पन्न भएको छ।
उक्त कार्यक्रममा करिब ४० जना व्यवसायी तथा उद्योगीहरुको सक्रिय सहभागिता रहेको थियो। कार्यक्रममा प्रमुख प्रस्तोता कर अधिकृत लक्ष्मी खड्काले सहभागीहरुलाई प्यान लिने आवश्यकता, दर्ता प्रक्रिया, व्यवसायको प्रकारअनुसार दर्ता गर्ने निकायको पहिचान, र व्यवसाय सञ्चालनका क्रममा पालना गर्नुपर्ने करसम्बन्धी जिम्मेवारीहरूप्रति विस्तृत जानकारी दिनुभएको थियो।
कार्यक्रममा सहभागी व्यवसायीहरुसँग अन्तरक्रियात्मक छलफल गर्दै, व्यावहारिक समस्याहरू, कर प्रणालीप्रति रहेको अन्योलता, र सुधार गर्नुपर्ने पक्षहरूबारे समेत विचार विमर्श गरिएको थियो।
कार्यक्रमको उद्देश्य व्यवसायी तथा उद्योगी वर्गलाई करसम्बन्धी चेतना अभिवृद्धि गर्नुका साथै पारदर्शी तथा उत्तरदायी कर प्रणालीमा सहभागिता जनाउने वातावरण सिर्जना गर्नु रहेको थियो।
