ललितपुर, असार ७ – महालक्ष्मी नगरपालिका वडा नं ९ को आयोजनामा तथा लामाटार हाप्कि-डो शाखा डोजोङ्गको प्राविधिक सहयोगमा यही २०८२ साल असार ७ गते शनिवारका दिन ‘प्रथम वडा अध्यक्ष कप हाप्कि-डो च्याम्पियनसिप २०८२’ आयोजना हुने भएको छ।
प्रतियोगिता वडा नं ९ स्थित शशाम्भु चौरमा हुने र सो खेलकुद कार्यक्रममा महालक्ष्मी नगरभित्र बसोबास गर्ने खेलाडीहरू सहभागी हुन पाउनेछन्। २५ के.जी. देखि ५५ के.जी. तौल समूहमा प्रतिस्पर्धा हुनेछ।
वडा नं ९ का अध्यक्ष श्री जय कृष्ण बोगटीले प्रतियोगितामार्फत वडा स्तरमै खेलकुद प्रवर्द्धन गर्दै युवाहरुमा आत्मविश्वास, अनुशासन र स्वास्थ्यप्रतिको सचेतना बढाउने उद्देश्य रहेको जानकारी दिनुभयो।
खेलकुद क्षेत्रको विकास र स्थानीय प्रतिभाको पहिचानमा योगदान पुर्याउने विश्वाससहित आयोजना गरिन लागेको यो च्याम्पियनसिप महालक्ष्मी नगरका लागि ऐतिहासिक हुने अपेक्षा गरिएको छ।
