गल्छी । गल्छी क्रिकेट टिमले तुप्चे क्लबविरुद्धको मैत्रीपूर्ण T–20 खेलमा उत्कृष्ट प्रदर्शन गर्दै शानदार जित हासिल गरेको छ।
गल्छी क्रिकेट टिमले पहिले ब्याटिङ गर्दै २० ओभरमा १९२ रनको विशाल लक्ष्य प्रस्तुत गरेको थियो। बलिङमा कमजोर सुरुवात गरेका तुप्चे क्लबका खेलाडीहरूले उक्त लक्ष्य पछ्याउने क्रममा निराशाजनक प्रदर्शन गरे। निर्धारित लक्ष्य पछ्याउने क्रममा तुप्चे क्लबको सम्पूर्ण टोली ७१ रनमै अल–आउट भयो।
बलरहरूका उत्कृष्ट प्रदर्शन र सन्तुलित फिल्डिङका कारण गल्छी क्रिकेट टिमले खेलमा एकतर्फी विजय हात पार्न सफल भएको हो।
गल्छी क्रिकेट टिमका खेलाडीहरूलाई स्थानीय दर्शकहरूले उत्साहपूर्वक समर्थन गरेका थिए भने खेलपछि विजयी टोलीका कप्तानले टीमवर्क र अनुशासनलाई जितको प्रमुख कारण बताएका छन्।
