धादिङ, पुस । धादिङ बेसिको नीलकण्ठ नगरपालिका-३ स्थित सिटी हलमा पुस १२ गते शनिबार पतञ्जली तथा महिला पतञ्जलीको अधिवेशन सञ्चालन गर्ने निर्णय गरिएको छ। आयोजक समितिका अनुसार अधिवेशनलाई व्यवस्थित, अनुशासित र प्रभावकारी बनाउन चारवटा समितिहरू गठन गरिएको छ, जसले तयारी, व्यवस्थापन तथा समन्वयका जिम्मेवारी वहन गर्नेछन्।
कार्यक्रमका लागि इच्छुक साधक–साधिकाबाट आर्थिक सहयोग संकलनको क्रम जारी छ। प्रारम्भिक रूपमा रु. ४० हजार सङ्कलन भइसकेको र सहयोग अझै बढिरहेको आयोजकले जनाएका छन्। अधिवेशनलाई सफल, भव्य तथा अविस्मरणीय बनाउँदै जिल्लामा योगमैत्री वातावरण सिर्जना गर्ने उद्देश्य आयोजकले व्यक्त गरेको छ।
उनहरूले योग, स्वास्थ्यमूलक चेतना तथा सामाजिक अनुशासन प्रवर्द्धनमा अधिवेशनले सकारात्मक प्रभाव पार्ने विश्वास समेत व्यक्त गरेका छन्। समुदाय, स्थानीय निकाय र साधक–साधिकाको सक्रिय सहभागिताले कार्यक्रमलाई थप प्रभावकारी बनाउने अपेक्षा गरिएको छ।
