धादिङ, मंसिर २१ । PABSON धादिङद्वारा आयोजित माध्यमिक विद्यालय स्तरीय हाजिरीजवाफ प्रतियोगितामा सक्सेस एकेडेमी जिल्ला च्याम्पियन बन्न सफल भएको छ। विद्यालयका विद्यार्थी स्वस्तिका वस्ति (कक्षा १०) र आर्नब रेग्मी (कक्षा ९) ले विद्यालयको प्रतिनिधित्व गर्दै उत्कृष्ट प्रदर्शनमार्फत उपाधि हात पारेका हुन्।
जिल्ला स्तरमै उत्कृष्टता प्रदर्शन गरेसँगै सक्सेस एकेडेमी प्रदेश स्तरीय हाजिरीजवाफ प्रतियोगितामा सहभागी हुने विद्यालयको रूपमा छनोट भएको छ। विद्यालयले यसलाई शैक्षिक गौरव बढाउने महत्वपूर्ण उपलब्धि मानेको छ।
यसअघि पनि यसै शैक्षिक सत्रमा सक्सेस एकेडेमीले अतिरिक्त क्रियाकलाप (ECA/CCA) अन्तर्गत ६ वटा उपाधि जितेर अग्रता कायम राख्दै आएको छ। गत महिनामा सम्पन्न PABSON चेस प्रतियोगितामा समेत विद्यालय पहिलो भएको थियो।
